2012. urtean, Beasaingo Udaleko aurrekontuetan 22.000 € aurreikusi ziren Euskal Herriko zazpi lurraldeetan euskara, euskal kultura eta euskal nortasuna babestu, garatu eta bultzatzeko, beti ere Beasaindik ere herrigintzan gure aletxoa jartzeko asmoz.

Aurrikusitako kopurutik 11.000 € Udalbiltzak kudeatu zituen eta beste 11.000 €, Udalbidek.

22.000 € horietatik, erabili diren bakarrak Udalbideri zegozkion 11.000 € direla ikusita, 2013rako Udalbiderentzat 11.000 € aurreikusi ditzan eskatu diogu Bilduri, dagokion hitzarmena sinatuaz.

Orohar, Iparraldeko eta Nafarroako kultur eragile eta ikastola sustatzeko balioko du dirulaguntzak, ordea, batez ere Goierriko Lanbide Heziketa euskeraz ikasten diharduten Sakanako 100 bat ikasle Nafarren garraioa ordaindu ahal izateko erabiliko da.